This body, yeh jo manva sharir hai, apne andar infinite bliss, anand aur infinite potential ko ek beej ke rup me samete hue hai.
Yeh manav sharir srishti ki, is pure existence ki, sabse badi engineering ka ek behtar namuna hai.
Aur har ek insaan ki body is capable hai ki woh infinite level of bliss aur ecstasy ko experience kar sake.
Chahe woh kisi bhi caste ke ho, kisi bhi creed ke ho.
Chahe aapki intelligence high ho, chahe aapki intelligence low ho—”Har ek insaan ke andar yeh potential hai ki woh apne andar chhupe hue infinite potential ko unlock kar sakta hai.”
Abhi infinite level ki ecstasy bolne se matlab kya hai?
Iska matlab sirf yeh hai ki “Aapka sharir capable hai ek level se doosre level par aur achha, aur achha, aur achha feel karne ke liye. Aur uske Beyond jo hai uske experience karne ke liye.”
Ab baat aati hai ki ise unlock kaise karna hai?
Unlock karne ke liye is world mein anek prakar ki prakriyaen aayi. Lekin un sabhi prakriyaon mein sabse uttam, sabse ubhar kar jis prakriya ne janm liya, us vidha ko bolte hain—Yog.
Ek aisa marg, jisko apnane ke baad sadharan insaan, chahe woh kisi bhi tarah ka ho, insaan se Bhagwan ban jata hai.
